Unha moza vive con ilusión desbordada a confirmación do seu embarazo. Comeza un carrusel de plans xunto coa súa parella para adaptar a casa ao novo fillo, elixir o nome, imaxinarse a vida con el. Unha mañá ocorre un pequeno incidente camiño do traballo: nun atallo por un parque, sorpréndena uns cans que a derruban antes de que a dona poida contelos. No hospital, confirman que o feto non sufriu danos, pero un doutor experimentado ve algo raro nas ecografías que debería terse detectado previamente.