«Quen escoitou a miña historia sentiuse menos só, e así, eu tamén me sentín menos soa.» explica Kaye Blegvad, a autora do meu can e eu, unha obra que non pretende ser un mero desafogo persoal, senón o berro de quen moitas veces senten xulgados e estigmatizados polas súas alteracións emocionais.

Nunha época en que os prexuízos contra as enfermidades mentais conviven coa reivindicación dunha nova narrativa para entendelas, Kaye Blegvad explica con valentía a súa propia historia de padecemento e superación da depresión, metaforizada nun can negro e enorme que a acompaña desde o seu nacemento. O can maniféstase agresivo e incontrolable durante a adolescencia, e pasarán moitos anos ata que a protagonista chegue a entender (e aceptar) que o can non é algo que poida negar ou abandonar, senón que forma parte dela mesma.

Cunha prosa directa e intimista e un debuxo sinxelo en tinta negra, Blegvad describe un rico e complexo proceso de reconciliación cos seus sentimentos escuros. Este ensaio visual, compartido orixinalmente a través do famoso medio dixital Buzzfeed, materializouse en papel grazas a unha campaña colaborativa en Kickstarter: en poucas semanas, o orzamento necesario habíase quintuplicado, os lectores reclamaban escoitar a súa historia, a historia de tantas persoas.

O meu can e eu é unha obra audaz e orixinal, que reivindica a angustia e a dor na literatura desde un punto de vista novo e persoal, sen tabús. Os lectores e lectoras gozarán deste diario de vida no que se verán reflectidos os seus propios medos e angustias, pero no que atoparán unha mensaxe positiva e esperanzadora.

1º-2º BAC

3º-4º ESO