Volve Marjane Satrapi, cun volume colectivo de non ficción gráfica que conmemora o inicio da revolución do veo en Irán.
O 16 de setembro de 2022, en Irán, Mahsa Amini sucumbiu ante os golpes propinados pola policía da moral por non levar "ben" o veo. A súa morte levantou unha onda de protestas por todo o país que se converteu nun movemento feminista sen precedentes.
Co fin de narrar este acontecemento fundamental para Irán e para todas e todos nós, Marjane Satrapi reuniu a tres especialistas: o politólogo Farid Vahid, o reporteiro Jean-Pierre Perrin e o historiador Abbas Milani, aos que se suman dezasete dos mellores talentos do cómic: Joann Sfar, Coco, Mana Neyestani, Catel, Pascal Rabaté, Patricia Bolaños, Paco Roca, Bahareh Akrami, Hippolyte, Shabnam Adiban, Lewis Trondheim, Deloupy, Touka Neyestani, Bee, Winshluss, Nicolas Wild, Hamoun.